Үйлчилгээний нөхцөл

Сүүлд шинэчилсэн: 2026 оны 10-р сар

Энэхүү нөхцөл нь SMS.link (цаашид "Платформ", "бид") болон Платформд бүртгүүлж API ашиглаж буй хөгжүүлэгч, байгууллага (цаашид "Хөгжүүлэгч", "та")-ын хоорондын харилцааг зохицуулна. Бүртгүүлж, API key үүсгэснээр та энэхүү нөхцөлийг зөвшөөрсөнд тооцогдоно.

1. Үйлчилгээний тодорхойлолт

Платформ нь эцсийн хэрэглэгч өөрийн гар утаснаас тусгай дугаар (151586) руу илгээсэн SMS-ийг Монголын үүрэн холбооны операторуудаас хүлээн авч, Хөгжүүлэгчийн үүсгэсэн баталгаажуулалттай тулгаж, утасны дугаарыг баталгаажуулах үйлчилгээ үзүүлнэ. Үр дүнг API болон webhook-оор дамжуулна.

2. Бүртгэл ба зөвшөөрөл

• Хөгжүүлэгч бүртгүүлэхдээ үнэн зөв мэдээлэл өгөх үүрэгтэй.
• Live API key ашиглахын өмнө Платформын админ бүртгэлийг хянаж баталгаажуулна. Бид тайлбар өгөхгүйгээр бүртгэлээс татгалзах эрхтэй.
• Хөгжүүлэгч өөрийн бүртгэл, нууц үг, API key, webhook secret-ийн нууцлалыг хариуцна. Алдагдсан гэж үзвэл нэн даруй цуцалж бидэнд мэдэгдэнэ.

3. Зөвшөөрөгдөх хэрэглээ

Платформыг зөвхөн өөрийн үйлчилгээний хэрэглэгчдийн утасны дугаарыг тэдний зөвшөөрөлтэйгөөр баталгаажуулах зорилгоор ашиглана. Дараах үйлдлийг хориглоно:

• Хэрэглэгчийг хууран мэхлэх, бусдын нэрийн өмнөөс дугаар баталгаажуулах, луйврын зорилгоор ашиглах;
• Платформын хязгаарыг тойрч гарах, автомат аргаар хэт ачаалал үүсгэх, аюулгүй байдлыг шалгах зөвшөөрөлгүй оролдлого хийх;
• Хүлээн авсан мэдээллийг баталгаажуулалтаас өөр зорилгоор худалдах, дамжуулах;
• Монгол Улсын хууль тогтоомж, операторуудын үйлчилгээний журмыг зөрчих.

4. Төлбөр

Одоогийн байдлаар Платформ Хөгжүүлэгчдэд үнэ төлбөргүй. Эцсийн хэрэглэгч тусгай дугаар руу SMS илгээхэд түүний операторын тарифын дагуу төлбөр гарч болно; үүнийг хэрэглэгчдэдээ ил тод мэдээлэхийг зөвлөж байна. Ирээдүйд төлбөрийн нөхцөл өөрчлөгдөх тохиолдолд бид дор хаяж 30 хоногийн өмнө мэдэгдэнэ.

5. Үйлчилгээний түвшин

Бид үйлчилгээг тасралтгүй, найдвартай ажиллуулахыг эрмэлзэнэ. Гэхдээ SMS-ийн хүргэлт нь үүрэн холбооны операторуудын сүлжээнээс хамаардаг тул операторын саатал, засвар үйлчилгээ, давагдашгүй хүчин зүйлээс үүдэх тасалдлыг бид хариуцахгүй. Чухал урсгалд нөөц баталгаажуулалтын аргатай байхыг зөвлөнө.

6. Хариуцлагын хязгаар

Хуулиар зөвшөөрөгдсөн хэмжээнд Платформ нь Хөгжүүлэгчийн шууд бус хохирол, ашгийн алдагдал, өгөгдлийн алдагдлыг хариуцахгүй. Хөгжүүлэгч баталгаажуулалтын үр дүнг өөрийн backend-ээр (webhook эсвэл API) шалгаж ашиглах үүрэгтэй.

7. Түдгэлзүүлэх, цуцлах

Энэхүү нөхцөлийг зөрчсөн, эсвэл Платформ, операторууд, эцсийн хэрэглэгчдэд эрсдэл учруулж буй гэж үзвэл бид бүртгэл, сайтын API хандалтыг урьдчилан мэдэгдэлгүйгээр түр хаах эсвэл цуцлах эрхтэй. Хөгжүүлэгч хүссэн үедээ хэрэглээгээ зогсоож болно.

8. Нууцлал

Хувийн мэдээллийг хэрхэн цуглуулж, ашиглаж, хадгалахыг Нууцлалын бодлого-д тодорхойлсон.

9. Нөхцөлийн өөрчлөлт

Бид энэхүү нөхцөлийг шинэчилж болно. Чухал өөрчлөлтийг бүртгэлтэй имэйлээр урьдчилан мэдэгдэнэ. Өөрчлөлтийн дараа үйлчилгээг үргэлжлүүлэн ашиглах нь шинэ нөхцөлийг зөвшөөрсөнд тооцогдоно.

10. Холбоо барих

Асуулт, санал хүсэлтийг info@sms.link.mn хаягаар илгээнэ үү.