Нууцлалын бодлого
Сүүлд шинэчилсэн: 2026 оны 10-р сар
SMS.link нь хувийн мэдээллийг зөвхөн утасны дугаар баталгаажуулах үйлчилгээг үзүүлэхэд шаардлагатай хэмжээнд цуглуулж, Монгол Улсын Хүний хувийн мэдээлэл хамгаалах тухай хуулийн дагуу хамгаална. Энэхүү бодлого нь хоёр төрлийн хүнд хамаарна: Платформд бүртгүүлсэн хөгжүүлэгч, мөн хөгжүүлэгчийн сайт дээр дугаараа баталгаажуулж буй эцсийн хэрэглэгч.
1. Бидний хадгалдаг мэдээлэл
Хөгжүүлэгчийн мэдээлэл
- Нэр, имэйл хаяг, утасны дугаар, байгууллагын нэр, вэб сайт, хэрэглэх зорилго;
- Нэвтрэх мэдээлэл: нууц үгийн hash (нууц үгийг өөрийг нь хадгалдаггүй), Google-ээр нэвтэрсэн бол Google бүртгэлийн танигч;
- Сайтын тохиргоо, API key-ийн hash ба угтвар, webhook URL ба шифрлэгдсэн secret, тайлан хүлээн авах имэйлүүд;
- Аюулгүй байдлын лог: нэвтрэлт, админы үйлдэл, IP хаяг.
Эцсийн хэрэглэгчийн мэдээлэл
- Хөгжүүлэгчийн API-аар илгээсэн утасны дугаар ба хөгжүүлэгчийн хавсаргасан
metadata; - Тусгай дугаар (151586) руу илгээсэн SMS-ийн текст, илгээгчийн дугаар, хүлээн авсан цаг, операторын нэр;
- Баталгаажуулалтын төлөв, хугацаа, хүсэлт үүсгэсэн серверийн IP хаяг.
Бид эцсийн хэрэглэгчийн нэр, байршил, утасны бусад мэдээллийг цуглуулдаггүй.
2. Мэдээллийг ашиглах зорилго
- Ирсэн SMS-ийг баталгаажуулалттай тулгаж, үр дүнг тухайн хөгжүүлэгчид API болон webhook-оор дамжуулах;
- Хөгжүүлэгчид хяналтын самбар, 7 хоногийн тайлан, үйлчилгээний мэдэгдэл хүргэх;
- Луйвар, хэт ачаалал, зүй бус хэрэглээг илрүүлж урьдчилан сэргийлэх;
- Үйлчилгээний алдааг оношлох, чанарыг сайжруулах.
3. Мэдээлэл хуваалцах
- Эцсийн хэрэглэгчийн баталгаажуулалтын мэдээллийг зөвхөн тухайн баталгаажуулалтыг үүсгэсэн хөгжүүлэгчид дамжуулна.
- SMS-ийг хүлээн авахын тулд үүрэн холбооны операторуудтай техникийн түвшинд мэдээлэл солилцоно.
- Имэйл илгээх зэрэг дэд бүтцийн үйлчилгээ үзүүлэгчдийг зөвхөн тухайн үйлчилгээнд шаардлагатай хэмжээнд ашиглана.
- Хуульд заасан эрх бүхий байгууллагын хүсэлтээр.
Бид хувийн мэдээллийг худалддаггүй, зар сурталчилгааны зорилгоор гуравдагч этгээдэд дамжуулдаггүй.
4. Хадгалах хугацаа
- Баталгаажуулалт болон ирсэн SMS-ийн бүртгэлийг 12 сар хадгална. Үүний дараа утасны дугаарыг далдалж (жишээ нь
9911****) зөвхөн нэгтгэсэн статистикийг үлдээнэ. - Хөгжүүлэгчийн бүртгэлийн мэдээллийг бүртгэл идэвхтэй байх хугацаанд, хаагдсаны дараа хуульд заасан хугацаанд хадгална.
- Webhook хүргэлтийн болон имэйлийн логийг үйлчилгээний алдааг шалгах зорилгоор хязгаарлагдмал хугацаанд хадгална.
5. Аюулгүй байдал
Бүх холболт HTTPS-ээр шифрлэгдэнэ. API key-г зөвхөн hash хэлбэрээр, webhook secret-ийг шифрлэж хадгална. Өгөгдөлд хандах эрхийг хязгаарлаж, админы үйлдлийг аудит логт бүртгэнэ.
6. Таны эрх
Та өөрийн мэдээлэлтэй танилцах, засварлуулах, устгуулах хүсэлт гаргах эрхтэй. Эцсийн хэрэглэгч бол эхлээд тухайн үйлчилгээ (хөгжүүлэгч)-тэй холбогдоно уу; шаардлагатай бол бид хөгжүүлэгчтэй хамтран хүсэлтийг шийдвэрлэнэ.
7. Хөгжүүлэгчийн үүрэг
Хөгжүүлэгч өөрийн хэрэглэгчдэд утасны дугаарыг SMS.link-ээр баталгаажуулдгийг нууцлалын бодлогодоо тусгаж, шаардлагатай зөвшөөрлийг авах үүрэгтэй.
8. Холбоо барих
Нууцлалтай холбоотой хүсэлтийг info@sms.link.mn хаягаар илгээнэ үү.